دیدار وزیر امور زنان با اعضای شورای جوانان کوچی

حسینه صافی، سرپرست وزارت امور زنان می‌گوید که بهبود وضعیت زنان کوچی یکی از مکلفیت‌های این وزارت است.
سرپرست وزارت اموز زنان در دیداری که با اعضای شورای جوانان کوچی داشت، اعضای شورای جوانان کوچی‌ها‌چالش‌ها و خواسته‌های شان را خانم صافی در میان گذاشتند.
اعضای شورای عالی جوانان کوچی ضمن بیان مشکلات زنان و خواسته‌های شان، خواهان فراهم کردن، تحصیل و دریافت بورسیه‌های‌ تحصیلی‌‌ شدند.
سرپرست وزارت امور زنان در پاسخ به خواسته‌های این جوانان می‌گوید که استخدام زنان کوچی در اداره‌ها یکی از حقوق اساسی آنان است از این‌رو از رهبری این شورای عالی جوانان کوچی خواست تا فهرستی از زنان دانش‌آموخته‌ی‌کوچی را با این وزارت شریک سازند‌تا در هماهنگی با نهاد‌های مرتبط دراستخدام آنان همکاری شود.
خانم صافی ضمن بیان برنامه‌های آینده وزارت امور زنان از اعضای رهبری این شورا خواست تا زنان کوچی در برنامه‌های مناسبتی وزارت امور زنان اشتراک و مشکلات شان را از نزدیک با این وزارت در میان بگذارند.